Os alumnos de 2º de ESO que participan no Clube de Lectura Letríficos e dentro do proxecto Laudato Lab, visitaron as distintas aulas de 5° de infantil (Lúa, Estrela, Planeta e Cohetes) para poñer en valor e dar a coñecer aos nenos a encíclica Laudato Sí concienciándoos sobre o cuidado da Casa Común.

Con lecturas como os «Bolechas Reciclan”, “Elmer” e outros contos elaborados polos alumnos de 2º de ESO, distintas xeracións de escolares reflexionaron sobre a pérdida de biodiversidade, reciclaxe, pautas de consumo e outros aspectos de ecoloxía integral.